Դեղապահովման մեր կարևոր ծրագրերից մեկը, որի շնորհիվ քաղցկեղի հաղթահարման ճանապարհին մեր պացիենտները յուրաքանչյուր ամիս են զգում` իրենք մենակ չեն:

Կրծքագեղձի քաղցկեղ ունեցող 210 կին շարունակում է Տրաստուզումաբ դեղով բուժումը:

Դեղի անհրաժեշտ ամբողջ քանակը պացիենտներին տրամադրվում է լիովին անվճար:

Պետական այս ծրագրի շահառու են քաղցկեղի |-||| փուլերում ախտորոշում ունեցող բոլոր կանայք. 2026 թվականի մարտի 1-ի դրությամբ` նրանք 210 են: Այս կանանց Տրաստուզումաբ դեղով ամբողջ տարին ապահովելու համար պետությունը հատկացրել է 670 մլն դրամ:

Հակաքաղցկեղային թիրախային այս դեղը «ճանաչում» է քաղցկեղային բջիջներն, արգելակում է դրանց աճն ու օգնում է իմունային համակարգին` պայքարել դրանց դեմ:

Արդյունքում`

Ընդհանուր ապրելիության բարձրացում, քանի որ պացիենտն ունենում է լիարժեք առողջացման հնարավորություն և մետաստազների առաջացման հավանականության նվազում,

Պացիենտների կյանքի որակի բարձրացում և միջինում 10 տարի հիվանդության կրկնության հավանականության նվազում.

Ապրելիության բարձրացում մինչև 73,7%

Մահացության նվազում:

Ծրագիրը Հայաստանում ներդրվել է 2020 թվականին: Նախորդ 5 տարիներին «Տրաստուզումաբ» դեղով թիրախային բուժում է ստացել կրծքագեղձի ագրեսիվ տեսակի քաղցկեղի |-||| փուլում գտնվող շուրջ 1277 պացիենտ:

Յուրաքանչյուր պացիենտի բուժման համար տրամադրվել է շուրջ 3,2 միլիոն դրամ` 5 տարում 1277 պացիենտների բուժման համար պետական միջոցներից տրամադրվել է շուրջ 4,1 միլիարդ դրամ:

Առողջության ապահովագրության ներդրմամբ, նաև ուռուցքային հիվանդությունների դեպքում, մի շարք բուժծառայություններ պացիենտի համար անվճար կամ համավճարով դառնալուն զուգահեռ, պետական նմանատիպ ծրագրերը շարունակում են գործել` փորձելով հնարավորինս մեղմել թանկարժեք բուժման խնդրի առաջ կանգնած մեր քաղաքացիների ֆինանսական բեռն ու ապահովելով ժամանակակից բուժման մեթոդների հասանելիությունը: